“اتهامات بالتمرد والتسريب”.. مرتضى منصور يفتح

“اتهامات بالتمرد والتسريب”.. مرتضى منصور يفتح
(اخر تعديل 2023-08-08 09:16:35 )

خرج مرتضى منصور، رئيس نادي الزمالك المعزول بحكم قضائي، بتصريحات قوية، أكد فيها أن محمود عبدالرازق “شيكابالا”، قائد الفريق الأول لكرة القدم بالنادي، يقود تمردًا داخل الفريق.

وكان مرتضى قد أعلن منذ أيام رحيله رسميا عن القلعة البيضاء قبل ساعات من مواجهة الفارس الأبيض ضد النصر السعودي والتي انتهت بالتعادل الإيجابي بهدف لكل فريق.

مرتضى منصور يهاجم شيكابالا

وقال مرتضى منصور، في تصريحات تليفزيونية:”اللي بيحب الزمالك لا يتمرد على النادي، ويقوم بعمل جروب ويطلب عدم خوض التدريبات”.

وأكمل:” قمت وقتها بتحذير اللاعبين على الجروب قائلا:” اللي مش هييجي التمرين الساعة 4 النادي مش عاوزه”.

ووجه مرتضى رسالة إلى شيكابالا، قائلًا:”القائد كبير وخليك في نظرنا كبير، طبعًا اللاعبين لهم مستحقات، ولكن سيف الجزيري وحمزة المثلوثي، اللي مش من ولاد الزمالك رفضوا تصرف شيكابالا”.

وتابع:”أنت لاعب موهوب، متضيعش موهبتك بالكلام ده، ومتزعلش الناس منك بالكلام ده.. أنا 24 ساعة مش بنام وأنا بره النادي وسبت رئاسة النادي بسببك عشان ممدوح عباس صاحبك يفك الحجز عشان ندفع مستحقات اللعيبة وندفع غرامتك”.

وأتم: “أنت يا شيكابالا المفروض كبير وشايفينك كبير وكابتن، أمال زيزو وفتوح فاكهة الزمالك يعملوا إيه والجزيري والمثلوثي والناس كلها متحملة وأنت تيجي تسرب إنك محضرتش الاجتماع عشان مستحقات اللاعيبة”.